Gjykata e Elbasanit ka caktuar sot masën e sigurisë “arrest me burg” për Luis Gaxhin dhe Rigers Spahiun, të cilëve pak ditë më parë iu zbulua një arsenal armësh.
Në banesën e Gaxhit u kap arsenal armësh që do të përdoreshin për llogari të grupeve kriminale. Ata u arrestuan dy ditë më parë nga Policia e Elbasanit, ndërsa dyshohet se synonin të ekzekutonin një biznesmen të njohur në qytet.
Fotot e biznesmenit janë gjetur në celularin e të arrestuarit tjetër, Xhafer Deliu, i prangosur më 7 tetor me gjysmë kilogramë lëndë narkotike heroinë.
Në telefonin e tij ishte fotografia e të njëjtit biznesmen, i cili më herët ishte shënjestër për t’u vrarë nga Nuredin Dumani, aktualisht i arrestuar si vrasës me pagesë dhe që ka zbuluar një sërë krimesh. I njëjti biznesmen dyshohet se ishte në plan për t’u eliminuar nga Gaxha dhe Spahiu.
