Në Kinë, ku natyra dhe historia kanë ndarë qytete dhe komunitete për shekuj, infrastruktura moderne po sjell ndryshime të mëdha. Fundi i kësaj viti shënon hapjen e tunelit më të gjatë në botë, me një gjatësi prej 22.13 kilometrash, që kalon përmes maleve qendrore të vendit dhe redukton ndjeshëm kohën e udhëtimit.
Tuneli, i cili e kthen një udhëtim të rrezikshëm malor që zgjaste disa orë në vetëm 20 minuta, lidh qytetin Urumqi në veri me Korla në jug, duke e zvogëluar këtë rrugë nga rreth shtatë orë në afër tri orë. Ky projekt monumental është një sfidë inxhinierike, duke arritur një thellësi maksimumi prej 1112 metrash dhe duke kaluar nëpër 16 zona të çarjeve gjeologjike.
Ndërtimi i tunelit ka sjellë sfida të mëdha për inxhinierët dhe 3000 punëtorë të angazhuar, përballë presionit të lartë shkëmbor, aktivitetit sizmik, temperaturave ekstreme dhe kushteve të vështira mjedisore. Për të përballuar terrenin e vështirë të maleve Tianshan, inxhinierët kanë zhvilluar një sistem inovativ që përfshin me ‘tre tunele dhe katër puse vertikale’. Kjo qasje përfshin hapjen e tre tuneleve paralele: një tunel kryesor dhe dy ndihmës, që ofrojnë vlerësime gjeologjike, akses të sigurt për punëtorët dhe makineritë, si dhe mundësi ventilimi dhe evakuimi emergjent.
Ky projekt, shumë më tepër se një arritje inxhinierike, klasifikohet si një hap strategjik për zhvillimin ekonomik të vendit dhe për lidhjen infrastrukturore midis rajoneve. Ai dëshmon ambicien kineze për ta transformuar mjedisin e saj dhe për të shfrytëzuar burimet natyrore, tregues se ky vend vazhdon të “shpërthejë” barrierat natyrore që kanë qenë presente për shekuj.
