Rikthehen sërish ngjarjet e rënda për familjen e biznesmenit Jetmir Muçllari, të cilit i është bëtë atentat disa herë në hotelin e tij në Tushemisht. Ditën e sotme, biznesmenit të njohur të Pogradecit, iu plagos djali, Joan Muçllari, në një atentat nga dy persona që lëviznin me makinë.
Më 8 gusht të vitit 2020 tek biznesi i Muçllarit u qëllua me breshëri automatiku, teksa hoteli ishte i mbushur me turistë. Pronari i hotelit Voloreka, që iu bë atentat me armë zjarri dy herë brenda javës, Jetmir Muçllari në një rrëfim për mediat tha asokohe se dy persona kishin qëlluar disa herë me kallashnikov.
“Ngjarja ne oren 4:40 min. Kanë qenë dy persona në këmbe, të cilët kanë qëlluar me kallashnikov në drejtim të makinave të parkuara dhe hotelit. Atentatorët kanë qëlluar disa herë në drejtim të dhomës ku flinte djali dhe dy dhomave ku ishin turiste. Nga plumbat nuk ka persona te lënduar. Fillimisht autoret qëlluan në drejtim të rojes së hotelit, duke i kërkuar që të mos lëvizte.
Plumbat dëmtuan dy makinat e mia dhe të djalit dhe 4 mjete të turisteve. Jemi të kërcenuar si familje. Kërkojmë mbrojtje nga policia. Dyshoj se objektiv i atentatit te sotëm dhe atij që ndodhi para një jave ka qenë djali im. I kam denoncuar me emra autoret, por policia nuk po vepron. Kërkoj azil për dy djemtë, pasi këtu ju rrezikohet jeta”, deklaroi asokohe Muçllari.
