GjKKO ka refuzuar kërkesën e avokatëve të Ylli Ndroqit për të shuar masën e sigurisë për sekuestron e dy televizioneve “RTV ORA” dhe “Ora News”.
Më 19 shtator, avokatët e presidentit të Yldon Media Group, Ylli Ndroqi, së bashku me të u paraqitën në Gjykatën Speciale dhe kërkuan shuarjen e masës së sekuestros për televizionet, duke e bazuar kërkesën e tyre në faktin se ka kaluar afati dy vjeçar dhe nuk flitet më për ligjshmëri.
Togat e zeza e shtynë vendimin për më datën 21 shtator dhe kërkuan nga avoktatët që të paraqesin provat.
Ndërkohë çështja tashmë ka kaluar dhe në arbitrazh. Avokati Enis Daci, përfaqëson interesat e zonjës Mimoza Ndroqi në një arbitrazh kundër Republikë së Shqipërisë ku vlera e dëmit llogaritet në 130 mln euro.
SPAK ka sekuestruar 32 pasuri të biznesmenit Ylli Ndroqi përfshirë mediat Ora Neës dhe RTV Ora. Ylli Ndroqi është në hetim nga SPAK si i përfshirë në aktivitete të ndryshme kriminale dhe investimin e parave të pajustifikuara në bizneset e tij.
