Dy shqiptarë, të cilëve iu ndalua hyrja dhe qëndrimi në Greqi por edhe në të gjithë zonën Shengen, u arrestuan nga një ekip special i NënDrejtorisë së Policisë së Mykonos, pasi “grabitën” dhjetëra vila dhe hotele në ishull duke marrë qindra mijëra euro.
Kështu shkruajnë mediat greke për dy “skifterë” nga Shqipëria por nuk jep emrat e tyre, ndërsa nxjerr një video kur ata hyjnë në një shtëpi në Mykonos për të grabitur.
Para cash, bizhuteri, ora shumë të shtrenjta ku përfshihet Patek Philippe, veshje nga shtëpitë e famshme të modës, janë mes sendeve të gjetura. Nga fillimi i qershorit 2022, grupi ka kryer vjedhje në banesa dhe hotele turistike në Mykonos dhe vlera totale e kalon shumën prej 120.000 euro.
Autorë të grabitjeve janë dy shqiptarët të moshës 43 dhe 32 vjeç. Nga hetimi konstatohet se “skifterët” kanë goditur “me metodën e thyerjes së dritares dhe derës së ballkonit, duke përdorur një objekt të mprehtë (kaçavidë) dhe sipas rastit nga dyert e pasigurta, me qëllim marrjen e parave, sende me vlerë dhe veshje.”
Të pandehurit, kanë kryer nga data 11 qershor deri më 23 korrik, 12 “grabitje” me mënyrën tipike. Më 18 qershor, nga ora 19:00 deri në orën 23:00, kanë hyrë në një hotel turistik dhe kanë marrë 2000 euro. Orë dore e markës Patek Philippe Aquanaut me diametër 35mm me vlerë 40.000 euro.
Më datë 9 korrik, nga ora 18:20 deri në 22:20 kanë hyrë në një hotel dhe kanë hequr 11 pasaporta të banorëve, shuma prej 18.200 € shuma prej 5500 dollarë, sende me vlerë dhe flori me vlerë totale 9000 euro.
Siç thuhet në dokumentet e hetimit, “Vlera totale e parave të vjedhura, bizhuterive dhe sendeve të arit kap shumën prej 410.000 euro”.
