KOSOVË- Presidentja e Kosovës, Vjosa Osmani është kërcënuar me jetë. Sipas mediave të Kosovës Presidenca e ka konfirmuar se është dërguar një e-mail kërcënues drejtuar Presidentes së Republikës, Vjosa Osmani.
E-maili është dërguar në adresën zyrtare të Presidencës dhe përmban gjuhë fyese e kërcënuese, duke përfshirë etiketime si “kriminele”, “ordinere” dhe “antikushtetuese”, si dhe kërcënime serioze për jetën e Presidentes. Zyrtarët e Presidencës kanë bërë të ditur se rasti është raportuar menjëherë te organet kompetente për hetim të mëtejshëm.
Megjithatë kjo nuk është hera e parë që dërgohen mesazhe të tilla kërcënuese, me dhjetëra raste të ngjashme janë raportuar më parë. Gjithashtu në foton e mëposhtme mund të shihni mesazhin e dërguar në drejtim të adresës elektronike të presidencës.
