Florjan Binaj, kandidati i pavarur për Bashkinë e Tiranës i mbështetur nga opozita, ka drejtuar një video-mesazh për qytetarët e kryeqytetit. Në këtë mesazh, ai ka shprehur mirënjohjen për gjithë ata që e kanë mbështetur gjatë fushatës, përfshirë dhe mesazhet që ka marrë në rrjetet sociale.
Binaj thekson se ka lexuar të gjitha mesazhet, duke përmendur se ato ishin frymëzuese dhe prekëse. Ai ka shprehur se mbështetja nëpër rrugët e Tiranës ka qenë elektrizuese dhe se e ndjen se iniciativa e tyre ndër po kthehet në një lëvizje për ndryshim. “E ndjej se kjo që po bëjmë së bashku është diçka e madhe dhe ne po e ndërtojmë këtë për të mirën e përbashkët”, ka thënë ai.
Ai ka përmendur disa nga problematikat që qytetarët e kanë ngritur, si cilësia e ajrit, vendet e parkimit, trafiku dhe uji, duke e theksuar se ato janë gjithashtu shqetësime të tij. Binaj ka ftuar gjithashtu qytetarët që të vazhdojnë të shkruajnë dhe të ndajnë përvojat e tyre, duke ofruar një numër telefoni dhe një adresë emaili për kontakt.
Në përfundim, ai ka falenderuar edhe një herë nga zemra mbështetësit e tij, duke theksuar se lëvizja që po ndërtojnë është për një të ardhme më të mirë për Tiranën. Ky mesazh erdhi si pjesë e përpjekjeve të tij për të angazhuar dhe mobilizuar komunitetin për ndryshime të qëndrueshme në qytet.
