Komisioni Evropian ka propozuar dyfishimin e tarifave për importin e çelikut, duke e çuar këtë në 50 për qind, me qëllim mbrojtjen e prodhuesve të BE-së nga konkurrenca e ashpër, sidomos nga Kina. Kështu njoftoi Komisionari për Industrinë, Stephane Sejourne. Sipas propozimit, volumi i importeve që nuk do të preken nga tarifat pritet të përgjysmohet. Për t’u zbatuar ky propozim, nevojitet miratimi nga Parlamenti Evropian dhe shtetet anëtare.
Ky masë synon mbrojtjen e prodhuesve evropianë të çelikut dhe ruajtjen e vendeve të punës. “Ky është riindustralizimi i Evropës,” theksoi Sejourne, duke u referuar një tepricë globale të çelikut që arrin mbi 600 milionë tonë, një situatë që zakonisht rezulton nga mungesa e konsumatorëve. Situata është bërë më urgjente pas rritjes së tarifave për importet nga Shtetet e Bashkuara.
Ekspertët në Bruksel janë të shqetësuar se eksportet që më parë shiteshin në SHBA mund të devijohen drejt Evropës, duke shtuar presion mbi prodhuesit evropianë. Të dhënat tregojnë se shumica e importeve të çelikut në Bashkimin Evropian krijohen nga vende si Turqia, Koreja e Jugut, India, Vietnami, Kina, Japonia, Britania dhe Ukraina. Në këtë kontekst, Gjermania, me industrinë më të madhe të çelikut në BE, po përballet me probleme të mëdha, duke përfshirë ndikimin e krizës në sektorin e konsumit, veçanërisht në industrinë automobilistike.
Kina vazhdon të mbetet lider në prodhimin e çelikut në botë, dhe tarifat e reja do të shërbenin si një mburojë më të fortë për BE-në ndaj importeve nga Azia. Mekanizmi aktual i mbrojtjes për industrinë evropiane të çelikut pritet të skadojë në qershor të vitit 2026, dhe propozimi për tarifat e reja synon të ofrojë një zgjidhje më të qëndrueshme për këtë problem të rëndësishëm ekonomik.
