Komisioni Evropian ka njoftuar se pret heqjen e plotë të masave ndaj Kosovës në javët e ardhshme. Jan Gert Koopman, drejtori i Drejtorisë për Zgjerim, tha se do të lirohen më shumë se 400 milionë euro, duke përfshirë masat që ishin pezulluar që nga dhjetori i kaluar.
Sipas Koopman, institucionet po punojnë për programimin dhe kontraktimin e projekteve që do të financohen nga këto mjete. Ai deklaroi se është në proces për të hequr të gjitha masat financiare brenda javëve të ardhshme, një informacion që konfirmohet nga kryetarja e Komisionit Evropian.
Më herët, Bashkimi Evropian kishte vendosur masa ndëshkuese ndaj Kosovës, për shkak të tensioneve në veriun e vendit, ku përfaqësuesit shqiptarë kishin marrë mandatin në katër komuna me shumicë serbe. Këto masa, që përfshinin pezullimin e financimeve dhe takimeve me zyrtarët kosovarë, u miratuan pa përmbushur procedurat e nevojshme për një vendim nga ana e BE-së.
Ngjarjet ishin tensionuara edhe për shkak të përplasjeve mes protestuesve serbë dhe forcave të sigurisë, përfshirë misionin paqeruajtës të NATO-s, KFOR. Me heqjen e masave ekonomike, mbetet e paqartë si do të veprohet me masat politike në lidhje me takimet mes zyrtarëve të BE-së dhe qeverisë kosovare.
Megjithatë, zyrtarët evropianë kanë theksuar se janë arritur marrëveshje për këtë çështje dhe se ato do të zbatohet pas konstituimit të Kuvendit të ri të Kosovës dhe formimit të qeverisë së re, e cila pritet nga zgjedhjet e parakohshme parlamentare të 28 dhjetorit.
