TIRANË- Banda kriminale e Franc Çopjas dhe Ervis Çelas është organizata shqiptare e drogës e cila transportonte kokainë nga Amerika Latine drejt Europës. Por nga përgjimet e publikuara mësohet se banda kishte shtrirë aktivitetin edhe në shpërndarjen e armëve. Banda nga përfitimet e mëdha kishte blerë avion privat e cila ndihmonte në shpërndarjen e drogës dhe armëve. Kjo metodë korri sukses ndërsa grupi fitoi milona euro.
Përgjimet në Sky Ecc të siguruara nga Syri.net kanë zbuluar edhe sesi grupi arrinte të përfitonte para edhe nga mallrat të cilat mendonin se ua kishin sekuestruar pasi ishin kapur. Në një bisedë mes Çopjas dhe Çelës zbulohet se një sasi 100 kg kokainë që ishte sekuestruar ishte “liruar’ dhe nga kjo fitonin 2 milionë euro. Çelës i duhet e pabesueshme ndërsa e pyet Francin se si ia arriti të merrte sasinë teksa bën shaka se mos ai ka bërë magji pasi nuk ka mundësi.
Pjesë nga përgjimet:
Franc Çopja: Ke fitu noj herë 2 milion euro kot nga hiçi? Hap mesazhin dhe lexon ke fitu 2 000 000 euro
Ervis Çela: Kot për sport… ku i fitove?
Franc Çopja: Ti ti, them ke fitu noi herë?
Ervis Çela: Jo
Franc Çopja: Ëëë, ajo puna që kishe 100 copë ti… me Barbën, që u kap, doli sot, hahahahaah
Ervis Çela: Hahahahahaah, po tallesh ti
Franc Çopja: Pooooo
Ervis Çela: Ça i bone amon? Më thuaj, noi magji të fortë. S’ka mundësi kjo gjo
Franc Çopja: Ëëë, ka mundësi ka
Nga përgjimet u zbulua se grupi trafikonte edhe armë të cilat i quanin lodra. Në një rast tjetër përgjimi Franci kërkon që në ngarkesën e radhës me lëndë narkotike ti dërgojë dhe armë zjarri. Ervisi i përgjigjet se do ia dërgojë dhe Çopja i shprehet në të njëjtën bisedë se ka marrë 120 kg lënë plasëse C4.
Ervis Çela në shumë biseda vendosnin objektivin se sa duhej të ishte fitimi dhe kjo arrihej për çështje javësh. Ervisi merrej me trafikun, të tjerët numëronin paratë. Në një përgjim vëllezërit Çela komunikojnë mes tyre për blerjen e një ferme në Paraguay, dhe shifra është 9 milionë dollar dhe ka një sipërfaqe prej 7500 hektarësh
Ervis Cela i drejtohet Riza Çelës: “Jam në fermë, 7500 hektarë, duhet 5-6 orë me makinë ti biesh qark. Me Xhemen (Ardjan Çelën), 9 Milion”.
