Gazetari Ledion Qoshku zbulon një mega skandal në bashkinë e Librazhdit.
Në buxhetin e vitit 2021 për periudhën janar-prill është përcaktuar blerja e një fuoristrade 4×4, me vlerë 1.7 milion lek. Sipas asaj që shohim nga dokumentet tenderi është zhvilluar dhe automjeti u ble. Automjeti Nissan Terrano (në foto), pretendohet nga bashkia e Librazhdit që kushton 1.7 milionë lek.
Ky automjet i blerë për 1.7 milionë lek, ose ndryshe 17 milionë lek, ose në euro 15.000, është me vit prodhimi 1997. Pra Kastriot Gurra mendon që është në rregull me ligjin, duke faturuar një Nissan Terrano të 1997 me vlerë 17 milionë lek.
Ta zëmë se kjo makinë është e veëantë në opsione, ka pak kilometra, është në gjëndje të shkëlqyer, dhe duke patur këto cilësi, do ketë dhe jetëgjatësi më shumë dhe ndaj kushton kaq shtrenjtë. Dakord. Por këtu na duhet të shpjegojmë faktin se si ka mundësi që një makinë kaq e mrekullueshme e vitit 1997 që Kastrioti e blen për 17 milionë lek, bëhet menjëherë për servis dhe kërkon një tender tjetër për të blerë pjesë këmbimi. Dhe gjithë ky operacion, taksapaguesve i kushton rreth 20 milionë lek. Diku tek 17 mijë e pak euro.
Megjithëse ky automjet Nissan Terrano i vitit 1997 kushton 17 milionë lek, i bëhen dhe 2 milionë lek servise, sërish seë ka një problem dhe herë pas here ndez me të shtyra sipas dëshmitarëve që e kanë pare këtë skenë. Dhe kjo e gjitha vetëm për 20 milionë lek.
Gazetarët tanë mësuan se ky nuk është as abuzimi i vetëm dhe as i fundit i Kastriot Gurrës, i cili tani është duke kryer mandatin e tij të tretë si i Kryetar Bashkie në Librazhd.
Në vijim, Illyridium Media Group do publikojë të tjera skandale me buxhetin e kësaj bashkie, i cili në vend të ndahet për shtresat në nevojë, shkon për rikonstruksionin e një sallë që është rikonstruktuar si dhe për blerje fuoristradash të vitit 1997 për 15 mijë euro.
*Ky investigim i Illyridium Media Group u krye në bashkpunim me gazetarin Ledion Qoshku
