Komisioni i sanksioneve dhe ankesave vendosi t’i lërë ende kohë PD për të paraqitur provat mbi zgjedhjet e 11 majit në Kukës.
Shkak u bënë pretendimet se KQZ ende nuk i kishte dhënë opozitës të dhënat e plota të votuesve të diasporës, material që duhet t’i kishte dorëzuar DHL.
Prej administratës u tha se deri më tani dosja e plotë e emigrantëve nga Greqia i është dhënë selisë blu.
Një tjetër shqetësim i opozitës ishte dhe mungesa e të dhënave të tjera zyrtare nga KQZ.
Ndërkaq ankimet tashmë kanë nisur dhe nga kandidatët.
Ilir Alimehmeti, Mimoza Hajdarmataj dhe Lisandër Hoxha kërkojnë rinumërimin në tiranë. Iliriana Kuçana ankesë ka paraqitur në Durrës për hapjen e kutive.
