TIRANË- Komisioni i Sanksioneve dhe Ankesave, KAS ka rrëzuar kërkesën e PD e cila kërkoi pavlefshmëri të zgjedhjeve të 11 majit për qarkun Dibër dhe Shkodër. Në njoftim KAS bën me dije se në seancë u rinumëruan dhe u vlerësuan votat e kandidatëve të subjektit zgjedhor Koalicioni PD-ASHM, për 42 qendrat e votimit të qarkut Dibër.
Pas rinumërimit të votave në tabelën përmbledhësë të rezultatit të votimit të kandidatëve të PD-ASHM iu shtuan 10 vota Alketa Agolli, 8 vota iu hoqën Basir Çollaku, Xhemal Gjunkshi iu shtuan 17 vota, Përparim Spahiu iu hoqën 49 vota dhe Ismail Ukas iu shtuan 4 vota. Sa i përket shqyrtimit të ankimimit të PD-së për pavlefshmëri të zgjedhjeve në këto dy qarqe, KAS me shumicë votash i rrëzoi duke u shprehur se kërkesat ishin të pa mbështetur në ligj dhe në prova.
Njoftimi:
Sot, Komisioni i Ankimimeve dhe Sanksioneve vijoi me shqyrtimin e kërkesës ankimore nr. 41, datë 27.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “1. Kundërshtimi i Vendimit Nr. 1314, datë 22.05.2025 – të KSHZ – “Për miratimin e Tabelës Përmbledhëse të Rezultatit të votimit në zonën zgjedhore Qarku Dibër, për subjektet zgjedhore dhe kundidatët për deputetë në zgjedhjet për Kuvendin të datës 11 maj 2025”. 2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Dibër. 3. Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Dibër”.
Në seancën e KAS u rinumëruan dhe u vlerësuan votat e kandidatëve të subjektit zgjedhor Koalicioni PD-ASHM, për 42 qendrat e votimit të qarkut Dibër.
Në përfundim të shqyrtimit, me shumicë votash KAS rrëzimin e kërkesës ankimore nr. 41, të Koalicionit PD-ASHM, për shpalljen të pavlefshme të zgjedhjeve të zhvilluara në datën 11 maj 2025 në zonën zgjedhore qarku Dibër, si të pa mbështetur në ligj dhe në prova.
Ndryshimin e vendimit të nr. 1314/2025 të KSHZ “Për miratimin e Tabelës Përmbledhëse të Rezultatit të votimit në zonën zgjedhore Qarku Dibër, për subjektet zgjedhore dhe kundidatët për deputetë në zgjedhjet për Kuvendin të datës 11 maj 2025”. Në tabelën Përmbledhësë të Rezultatit të votimit të kandidatëve të subjektit zgjedhor PD – ASHM, ndryshohet TPR e votimit si më poshtë vijon:
Alketa Agolli i shtohen 10 vota
Basir Çollaku i hiqen 8 vota
Xhemal Gjunkshi i shtohen 17 vota
Përparim Spahiu i hiqen 49 vota
Ismail Uka i shtohen 4 vota
Gjithashtu, përfundoi shqyrtimi i kërkesës ankimore nr. 44, datë 27.05.2025, depozituar nga Koalicioni Partia Demokratike – Aleanca për Shqipërinë Madhështore, me objekt: “ 1. Kundërshtimi i Vendimit Nr. 1312, datë 22.05.2025 – të KSHZ – “Për miratimin e Tabelës Përmbledhëse të Rezultatit të votimit në zonën zgjedhore Qarku Shkodër, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”. 2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku –Shkodër. 3. Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Shkodër”.
Me shumicë votash, KAS vendosi rrëzimin e kërkesës ankimore nr. 44, të Koalicionit PD-ASHM, për shpalljen të pavlefshme të zgjedhjeve të zhvilluara në datën 11 maj 2025 në zonën zgjedhore qarku Shkodër, si të pa mbështetur në ligj dhe në prova. Lënien në fuqi të vendimit 1312/2025 të Komisionerit Shtetëror të Zgjedhjeve “Për miratimin e Tabelës Përmbledhëse të Rezultatit të votimit në zonën zgjedhore Qarku Shkodër, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”.
