Policia greke ka sekuestruar 50 kg marijuanë pas një ndjekjeje të gjatë të dy automjeteve në aksin Korinth-Athinë. Operacioni, i zhvilluar nga policia e Artës, rezultoi në arrestimin e një 44-vjeçari shqiptar dhe një 29-vjeçari grek, të cilët ishin në drejtim të mjeteve. Njëra nga automjetet shërbente për monitorimin e rrugës, ndërsa tjetra për transportin e drogës.
Gjatë kontrollit, policia gjeti katër paketa me gjithsej 50 kg e 700 gram marijuanë. Autoritetet identifikuan gjithashtu dy organizatorët e trafikut, dy shtetas shqiptarë të moshave 29 dhe 32 vjeç, të cilët janë shpallur në kërkim. Dokumentacioni në ngarkim të tyre është dërguar në Prokurorinë e Athinës për veprime të mëtejshme.
