Policia greke ka sekuestruar rreth 75 kg marijuanë në Rajon të Igumenicës, afër kufirit greko-shqiptar. Operacioni, i zhvilluar nga sektori anti-drogë, ka përfunduar me dorëzimin e drejtuesit të mjetit, një 54-vjeçar shqiptar. Gjatë kontrollit të automjetit, i cili po përpiqej të hynte në Greqi nga kufiri gjelbër, janë gjetur dhe sekuestruar tre çanta me 51 pako droge, që peshojnë gjithsej 74 kg 804 gramë.
Përveç drogës, policia konfiskoi edhe automjetin dhe një telefon celular. Ky rast është pjesë e një vale të madhe operacionesh kundër trafikimit të drogës, ku që prej shtatorit, policia greke ka sekuestruar rreth 775 kg marijuanë, e dyshuar se vjen nga Shqipëria. Këto raste janë evidentuar në Igumenicë, si edhe në qytete të tjera si Janinë, Selanik dhe Kostur, si në rrugë tokësore ashtu edhe në ato detare.
Ky operacion tregon përkushtimin e autoriteteve greke në luftimin e trafikimit të drogës dhe përpjekjet e tyre për të ruajtur sigurinë publike në zona kufitare.
