Një shqiptar dhe një italian janë arrestuar nga Guardia di Finanza në portin e Olbias, Itali, pasi u kapën me mbi 11.5 kg kokainë. Droga ishte e fshehur në dy makina në hapësira të krijuara për këtë qëllim, dhe ishte paketuar në 10 pako të ndara me peshë rreth 1 kg secila. Sasia e drogës, nëse do të hidhej në treg, mund të kishte sjellë një fitim prej 2 milionë euro.
Operacioni u koordinua nga Prokuroria e Tempio Pausania. Guardia di Financa thekson se ky rast ngre shqetësime për lidhjet e tregut të shpërndarjes së kokainës në territorin e Galluras, ku ndodhen portet e rëndësishme dhe aeroporte që mund të jenë të lidhura me aktivitetet e këtij tregu.
