DURRËS- Kandidati për deputet i Partisë Socialiste në Durrës, Skëndër Pashaj mesa duket e ka të sigurt në mendjen e tij që pas zgjedhjeve të 11 majit do të jetë deputeti i Kuvendit. Pashaj është kandidat për deputet në listat e mbyllura të PS-së por në llogarinë e tij në rrjetet sociale e quan veten deputet. Në bio-n e Instagramit ai e prezanton veten si politikan dhe deputeti i PS-së.
Pashaj duke qenë se është pjesë e listave të mbyllura mesa duket mendon se e ka garantuar një vend si deputet pas zgjedhjeve të majit. Në listat e mbyllura ai renditet i katërti pas dy deputeteve aktuale, Klodiana Spahiu dhe Milva Ekonomi. Pas tyre vjen deputeti Loer Kume dhe më pas sipermarrësi Pashaj.
Duhet theksuar se Pashaj mendon se e ka të sigurtë që do zgjidhet dhe e ka shpallur veten deputet para kohe. Kandidati është futur nën petkun e deputeti shumë kohë më para pasi deri në shtator do të jetë në fuqi parlamenti aktual dhe në vjeshtë do të konstituohet i riu. Një tjetër detaj është se një deputet nuk mund të vetëshpallet pa u kaluar në KQZ. Gjithashtu për tu bërë deputet duhet betimi në Kuvend. Kjo nxjerr në pak se Pashaj po injoron procedurën ligjore dhe po e “gëzon” statusin e deputetit duke lënë pas ligjin.
