Pas shkarkimit të trajnerit Dino Toppmöller nga Eintracht, zërat për një kthim të Xabi Alonsos në Bundesligë, konkretisht te Eintracht Frankfurt, janë intensifikuar. Sipas të përditshmes gjermane ‘Bild’, klubi po e konsideron seriozisht mundësinë e marrëveshjes me teknikun spanjoll. Drejtori Sportiv Markus Krösche ka shprehur qëllimin për të organizuar një takim me Alonson, për të diskutuar transferimin e tij në Frankfurt.
Arsyeja e shkarkimit të Toppmöller ishte barazimi i fundit me Ëerder Bremen, ku skuadra e tij vetëm arriti një rezultat 3-3. Kjo ka ndodhur pas një serie rezultatetsh negative që kanë lënduar pozitat e klubit. Në 18 ndeshje, Eintracht ka pranuar 39 gola, duke e vendosur atë në vendin e 7 në tabelën e Bundesligës me një nga mbrojtjet më të dobëta në kampionat. Kjo situatë ka detyruar drejtuesit e klubit të marrin vendimin për ndryshimin në pankinë.
Përveç Alonsos, Bild raportojnë se Eintracht ka në listë edhe trajnerë të tjerë potencialë si Edin Terzic, Marco Rose dhe Roger Schmidt. Megjithatë, prioriteti është bindja e Alonsos për t’u rikthyer në Gjermani.
Sidoqoftë, ndonëse ka interes, probabiliteti që Xabi Alonso të kthehet në Bundesligë duket i ulët. Pas suksesit të tij të madh me Bayer Leverkusen, ai është vënë në qendër të vëmendjes nga klube të njohura si Bayern Munich dhe Liverpool, para se të vendosë për tu bashkuar me Realin e Madridit. Një kthim te Eintracht do ta shihte Alonson në një situatë më të vështirë në karrierën e tij, veçanërisht kur po pret një projekt më të rëndësishëm evropian.
Megjithatë, Eintracht do të vazhdojë përpjekjet për të bindur Alonson që të pranojë këtë ofertë dhe të nisë një aventurë të re, duke shpresuar në një kthim të suksesshëm të tij në Bundesliga.
