Kancelari gjerman, Friedrich Merz, e akuzoi presidentin rus, Vladimir Putin, sesi po zhvillon një “luftë hibride” ndaj Gjermanisë, duke përfshirë edhe një luftë të informacionit dhe një agresion ushtarak kundër Ukrainës. Merz theksoi se ky zhvillim ka pasoja për të gjithë Europën dhe synon të përmbysë rendin politik të saj. Në një intervistë për Ntv më 6 tetor, ai shpjegoi se mbështetja për Ukrainën është esenciale për ruajtjen e shoqërive të hapura dhe liberale në Evropë.
Kur u pyet nëse Putini po zhvillon një luftë specifikisht ndaj Gjermanisë, Merz u përgjigj se ai po vepron ndaj të gjithë vendeve europiane. Ai bëri të ditur se incidetet me dronë në Gjermani dhe në Europë janë një shenjë e qartë e kërcënimit që po vjen nga Rusia, duke nënkuptuar se Putini ka për qëllim të nxisë frikë. Megjithatë, ai theksoi se Gjermania nuk do të frikësohet dhe do të mbrojë veten në mënyrë efektive.
Gjithashtu, Merz konfirmoi se po e shqyrton mundësinë për të thërritur Putinin, megjithëse theksoi se çdo përpjekje për bisedime aktualisht përfundon me intensifikimin e sulmeve ndaj Ukrainës. Ai e theksoi se Gjermania është mbështetësja e dytë më e madhe në botë për Ukrainën, pas Shteteve të Bashkuara, që nga fillimi i pushtimit rus më shkurt 2022.
Deklarata e Merz vjen në një kontekst të tensioneve në rritje mes Rusisë dhe Perëndimit, duke theksuar nevojën për mbrojtje kolektive dhe koordinim në përballjen me kërcënimin e Moskës.
