Atletja amerikane, Sha’Carri Richardson, është arrestuar në Aeroportin Ndërkombëtar të Seattle Tacoma pas një incident të dhunshëm me të dashurin e saj, Christian Coleman, një kampion botëror. Sipas një raporti nga Departamenti i Policisë së Seattle, incidenti ndodhi në një pikë kontrolli të sigurisë, ku Richardson u filmua duke e goditur vazhdimisht Coleman, me të cilin ka qenë në një lidhje dyvjeçare, por që nuk e kishin bërë publike deri në shkurt.
Pamjet nga kamerat e sigurisë ishin të mjaftueshme për të justifikuar arrestimin e saj, me akuzën për dhunë në familje e shkallës së katërt. Megjithatë, Coleman vendosi të mos ngrinte padi ndaj Richardson, duke e shpëtuar atë nga një dënim më i rëndë. Pas një qëndre prej 19 orësh në qendrën korrektuese Score South, ajo u lirua dhe çështja u mbyll.
Sha’Carri Richardson është e njohur për sukseset e saj në atletikë, duke fituar medaljen e artë në stafetën 4×100 metra dhe medaljen e argjendtë në garat individuale gjatë Lojërave Olimpike të Parisit. Ajo gjithashtu mban shumë medalje nga kampionatet botërore. I dashuri i saj, Christian Coleman, është një atlet me pesë tituj botërorë. Incidenti i fundit tërhoqi vëmendjen për jetën e saj personale, ndërsa fansat shpresojnë që ajo të vazhdojë të fokusohet në karrierën e saj sportive.
