Deputeti i Partisë Demokratike, Saimir Korreshi, i njohur për batutat e tij në parlament dhe në daljet e tij televizive, ka ardhur së fundmi në një intervistë krej ndryshe.
Duke lënë anash situatën politike në vend dhe hallet e popullit, Korreshi ka folur për jetën e tij private.
Ai ka treguar se mbaruar Universitetin në La Sapienza të Romës, mirëpo u detyrua të kthehej në Shqipëri pasi i ati ndërroi jetë dhe nëna me të motrën ishin vetëm.
“Unë përveç se mbarova shkollën, kam bërë edhe masterin dhe doktoraturën në La Sapienza. Unë erdha nga picajol, kam punuar 6 vjet në piceri sepse mu desh të mbaja familjen time. Ka qenë një moment në të cilin unë një vit pasi të diplomohesha kam humbur babain tim në një moshë fare të re, thuajse 50 vjeç dhe mu desh të kthehesha pasi në familjen time ishte gjyshja ime 90 vjeç, mamaja ime dhe motra ime në universitet. Kështu që ishin tre gra dhe hoqa pak nga vetja. Jo se nuk do më pëlqente të jetoja në Romë, pasi e kam pjesë të jetës, vitet më të bukura”, u shpreh Korreshi
Gjithashtu ai ka treguar edhe se kë ka më shumë mik nga deputetët, ku veçoi dy, Gazment Bardhin dhe Dashnor Sulën.
“Më mik nga të gjithë kam dy Gazment Bardhin dhe Dashnor Sulën. Po të shikosh në fjalimet e mia unë nuk përmend emra. Kështu që njerëz që urrej unë nuk kam kurrë në këtë jetë. Unë jam edhe besimtar, pasi ta ndërtosh një gjë duhet dhjetëra vjet, ndërsa për një vit mund ta shkatërrosh”, u shpreh ndër të tjera Korreshi për “ABC”.
