Douglas Luiz u transferua këtë verë nga Aston Villa te Juventus në Serie A.
Bardhezinjtë paguan plot 51.5 milionë euro për kartonin e brazilianit teksa së fundmi, 26-vjeçari mbajti edhe konferencën e parë si një lojtar i torinezëve.
Douglas Luiz, theksoi se historia e Juventusit ishte një faktor kyç në përzgjedhjen e tij ndërsa shtoi se gëzon një raport të shkëlqyer me trajnerin Thiago Motta.
“Shumë lojtarë të mëdhenj kanë ardhur nga Juventusi dhe kjo më motivon shumë dhe më bindi të vij këtu. Jam i sigurt se do të kemi një sezon të mrekullueshëm. Ne kemi lojtarë të rinj, një trajner të ri dhe po mësohemi me punën e Thiago Mottas dhe atë që ai kërkon prej nesh.
Ajo që më ka bërë më shumë përshtypje te Juventus është madhështia e këtij klubi, stadiumi, pasioni i tifozëve për skuadrën. Jam shumë i lumtur që jam këtu. Do të jetë një sezon i rëndësishëm dhe do të luftojmë së bashku për rezultate të shkëlqyera.
Marrëdhënia me trajneri Thiago Motta- Duket sikur unë dhe Thiago njihemi prej kohësh. Ai është një trajner i ri dhe të jep lirinë për të komunikuar lirshëm dhe për të folur për taktikat, marrëdhënia jonë është shumë e mirë.
Nuk kam një preferencë për pozicionin tim në fushë, por më pëlqen të luaj afër portës. Por, trajnerit ia kam bërë të ditur se nëse ka nevojë që unë të luaj si një mesfushor difensiv, nuk do ta kisha problem ta realizoja edhe këtë rol. Mendoj se liria që Motta më jep në fushë mund të bëjë diferencën”, u shpreh Luiz.
