Oferta e Tether për blerjen e Juventusit ka shkaktuar alpë të madh në ambientin bardhezi, por një qëndrim të dukshëm ka shprehur Michel Platini, një figurë legjendare e klubit. Ish-numri 10 i Juventusit ka mbështetur fuqishëm vendimin e John Elkann dhe Exor për të refuzuar ofertën e pakërkuar nga Tether Investments, e cila kërkonte të blinte të gjitha aksionet e klubit.
Exor, që kontrollon shumicën e aksioneve të Juventus Football Club, konfirmoi se Bordi i Drejtorëve e hodhi poshtë unanimisht propozimin. Në deklaratë theksohet se kompania nuk ka në plan të shesë aksione tek palë të treta, përfshirë Tether, një kompanisë me seli në El Salvador.
Platini shprehu krenarinë e tij për refuzimin e ofertës, duke theksuar rëndësinë e lidhjes mes Juventusit dhe familjes Agnelli. Ai tha: “Juventusi është historia e futbollit italian dhe ndërkombëtar. Shitja e Juventusit është e pamundur. Nuk mund të shesësh emocionet, tifozët dhe traditën.” Platini e cilësoi këtë lidhje si një fenomen unik që ka lindur më shumë se një shekull më parë dhe që do të vazhdojë.
Ai u shpreh gjithashtu skeptik për investitorët e rinj, duke thënë: “Nuk i njoh këta zotërinj që duan të blejnë Juventusin. Bota e financave të reja është ende për t’u zbuluar dhe duhet analizuar me kujdes.” Platini është i sigurt se John Elkann nuk do t’i dorëzohet propozimeve nga aksionarët e pakicës.
Megjithatë, Platini ka sqaruar se nuk ka ndërmend të kandidojë për postin e presidentit të Juventusit, duke e parë familjen e tij si prioritet. Ai pranoi se thirrja për t’u angazhuar është e fortë, por në moshën 70-vjeçare e shikon si të papërshtatshme për të nisur një përvojë të re.
Kjo situatë tregon se oferta për blerjen e Juventusit ka çuar në një debat të gjerë rreth të ardhmes së klubit, me gjithë insistimin e disave se familja Agnelli mbetet e rëndësishme për historinë dhe traditën e klubit.
