Te Juventusi nisi një epokë të re me emërimin e Luciano Spalletti si trajner. Pas nënshkrimit të kontratës, ai do të udhëheqë skuadrën nga e premta, duke marrë përkrahjen e Domenichini dhe Giovanni Martusciello, i cili kishte ndihmuar edhe në periudhën e Maurizio Sarrit. Spalletti gjen një skuadër që arriti të fitojë ndaj Udinese, por që prej kohësh nuk ka një identitet të qartë. Pas një krize të thellë e rikthimit të shkurtër me Tudor, që përfundoi me kualifikimin në Champions, ecuria fillestare e sezonit 2025/26 ka qenë zhgënjyese.
Objektivi primar i Spallettit është të sjellë vazhdimësi dhe besim në skuadër. Dusan Vlahovic, një nga lojtarët kryesorë, theksoi se nuk është e drejtë t’i fajësohet vetëm një person, pasi të gjithë kanë kontribuar në situatën aktuale. Spalletti kërkon të japë mundësi atyre futbollistëve që nuk kanë arritur të shfaqin potencialin e tyre, me Teun Koopmeiners në krye të listës, pas një transferimi të kushtueshëm. Ai deri tani ka shënuar 5 gola dhe ka dhënë 3 asist në 14 muaj.
Trajneri synon ta rrisë vlerën e lojtarëve dhe të implementojë skemën taktike 4-2-3-1, të cilën e ka përdorur me sukses në karrierën e tij. Në mbrojtje, me rikuperimin e Bremerit që pritet, dyshja Gatti e Kelly mund të formojnë qendrën, me Kalulu e Cambiaso në krahë. Kenan Yildiz, i cili riktheu veten me një gol ndaj Udinese, do të shërbejë si një pikë referimi për Juventusin e ri.
Ndeshjet e vërteta do të fillojnë me trasfertën ndaj Cremoneses, ku Spalletti do ta ketë mundësinë të realizojë stërvitjen e tij të parë të plotë me skuadrën. Ky është një shans për Juventusin për të rikuperuar pas një periudhe të vështirë dhe për Spalletti, një mundësi për të hapur një kapitull të ri në karrierën e tij pas një eksperiencë zhgënjyese me përfaqësuesen italiane.
