Juventusi ka nisur kërkimet për një portier të ri pas disa performancave të dobëta të Di Gregorio në ndeshjet e fundit. Portieri, i transferuar në vitin 2024 për 18 milionë euro, ka dështuar të tregojë vazhdimësi dhe siguri, duke e vënë në diskutim pozitat e tij në një ekip që ka pasur legjenda si Zoff dhe Buffon.
Në të kaluarën, Juventus kishte konsideruar transferimin e Mike Maignan nga Milani me parametra zero, por rinovimi i francezit e ndali këtë mundësi. Ndaj, klubi duket se po orienton kërkimet për një portier italian, për të rritur numrin e lojtarëve të ‘kaltër’ në ekip. Një kandidat i fortë është Guglielmo Vicario, aktualisht te Tottenham, ku ka bërë një paraqitje të shkëlqyer. Ai dëshiron të rikthehet në Serie A, ndonëse klubi londinez kërkon 25-30 milionë euro për kartonin e tij dhe pagat e tij janë të pranuara nga Juventusi.
Megjithatë, Interi gjithashtu ka shprehur interes për Vicario, duke e bërë konkurrencën më të ashpër. Nëse transferimi i Vicario dështon, Juventus mund të hedhë sytë nga Marco Carnesecchi i Atalantës, i cili është vlerësuar si një nga portierët më të mirë të kampionatit. Çmimi i tij është nga 30-40 milionë euro, por për shkak të moshës së tij (26 vjeç), ai mund të ofrojë sigurim në portë për disa sezone.
Megjithatë, për të realizuar një investim të tillë, Juventus do të duhet të sigurojë pjesëmarrjen në Ligën e Kampioneve, pasi në verë është planifikuar të blejë më shumë se një portier. E ardhmja e Di Gregorio duket e paqartë dhe drejtuesit po përgatiten për tëmë ndryshuar strategjinë në merkaton e transferimeve.
