Një 46-vjeçar nga Heraklioni dhe 2 shqiptarë mësohet se kanë qenë bërthama e një grupi kriminal i cili jepte fajde me “kushte mafioze” në Kretë.
Sipas Departamentit të Organizuar të Kretës bëhet fjalë për një 46-vjeçar nga Heraklioni, i cili thirrej me një pseudonim që i referohej një qyteti në Peloponez dhe 2 shqiptarë 30-vjeçarë.
Gjithashtu janë arrestuar edhe 2 persona të tjerë, një 45-vjeçar po nga Heraklioni dhe një 24-vjeçar, ky i fundit kishte një lokal në periferi, ku dyshohet se kryenin pastrim parash.
Zyrtarë të Departamentit të Krimit të Organizuar pohojnë se çështja përfshin dëshmi të viktimave, të cilët janë bindur të flasin për atë që kanë përjetuar në “kthetrat e grabitqarëve” me Porsche, Jaguar, rroba firmato dhe biznes.
“Çdo dëshmi është një histori e dhimbshme”, tha një burim i besueshëm i policisë për Cretalive.
Pretendohet se ata që u detyruan të merrnin hua prej tyre, u penduan për kohën dhe momentin që huamarrja u bë në kushte mafioze, në një kontekst tejet shkatërrues.
Çdo rast ishte i ndryshëm, por në përgjithësi për një kredi prej 5000 euro, interesi mund të ishte deri në 2000 euro në muaj.
Nëse kishte vonesa në pagesën e këstit, kamata dyfishohej ose trefishohej, qoftë edhe në ditë. Një shumë prej 5000 euro mund të shkonte sa hap e mbyll sytë në 50.000 euro.
Sipas informacioneve nga faqja lokale ka pasur persona që janë detyruar të marrin hua për arsye shëndetësore, pasi duhej të kryenin operacione urgjente për veten apo fëmijët e tyre.
Për këtë arsye janë detyruar që të marrin hua me kamatë, duke “nënshkruan dënimin e tyre.”
Ka, siç pretendohet, persona të cilët për shkak të pandemisë, për të mos i vënë drynin bizneseve të tyre (kompani, dyqane, farmaci etj.) u detyruan të merrnin hua nga personat tashmë të arrestua, për të dalë nga situate.
Burimet thonë se presioni ishte aq i madh sa disa kishin kaluar në procesin e shitjes së pronave të tyre për të shlyer “huadhënësit”.
46-vjeçari është një person i njohur në Heraklion pasi është proceduar më parë për ngjarje të ndryshme kriminale.
Ndërsa shqiptarët nuk ishin të njohur për autoritetet.
Një oficer i lartë i EL.AS-it komentoi për Cretalive se në dosje ka dëshmi të rënda viktimash që u besuan drejtuesve të Organizatës dhe pranuan të flasin. Por atje, ka të tjerë (ata tashmë i njohin disa prej tyre) që ende heshtin nga frika.
“ Tani është koha për të folur. Një përpjekje shumë serioze po bëhet për “pastrimin” e peizazhit. Është në duart e tyre. “Ne e zgjasim dorën me forcë për t’i tërhequr ata drejt dritës,” tha ai.
Të arrestuarit pritet të dërgohen në prokurorinë kompetente.
