Në komisionin hetimor ku kryeministri Edi Rama ka qenë dëshmitar prej pesë orësh po zhvillohet një përplasje mes shefit të ekzekutivit edhe përfaqësuesve të opozitës. Por në këtë përballje nuk kanë munguar as batutat dhe ironitë mes tyre.
Helidon Bushati iu drejtua Ramës në Komisionin hetimor për Inceneratorët, duke i thënë që ai, si njeri i oksidentit, nuk ka tiparin e liderëve europian për të mbajtur përgjegjësi, duke përmendur dorëheqjen. Rama iu përgjigj duke thënë se ‘Rama ik’ nuk funksionin, ndërsa i përmendi atij edhe Sali Berishën duke e pyetur nëse ishte krenar për të. Ndërsa Rama i kujtoi atij një shprehje nga italishtja që e ka përmendur gjyshja e tij, të gabosh është njerëzore, por të përsërisësh është djallëzore.
Edi Rama: Si ka mundësi që nuk ecën ajo Rama ik?! Nuk ecën ajo. Në këtë pikë nuk jam aq oksidental sa doni ju, po kur të më tregoni një oksidental që ikën për raste të ngjashme, do flasim prap. Unë mbaj përgjegjësi absolute për çdo gjë që lidhet me punë time me ekipin tim, me çdo gjë. Un Tahirit do i dilja në për zot në atë kohë për punë e bërë. Si politikan oksidental shkodran, je krenar për Sali Berishën? Mua më kujtohet që një burrë i kulturuar, i edukuar si ti mua më kujtohet një moment, ke ardhur te foltorja në grup atje dhe ke qenë jashtë vetes për të mbrojtur liderin historik. Je krenar për liderin historik apo nuk je? Non grata Sali Bersha ka dalë për gjëra që s’i ka bërë Helidoni, por në Foltore me Sali Berishën ka qenë në krah si ndahen këto gjëra.
Bushati: Po ta bëj një pyetje të fundit në gjuhën e gjyshes tënde: “Nuk ke mundur apo nuk ke dashur ta parandalosh?
Rama: Nuk është as ‘non pottevo as non volevo’ por jepi Çezarit atë që i takon. Lëreni atje atë Kokën, e ka marrë drejtësia akoma nuk ka një vendim nëse ëshë i fajshëm ose jo.
