VATIKAN- Zëvendëspresidenti i Shteteve të Bashkuara, J.D. Vance, u takua sot në Vatikan me Papën Leonin XIV teksa i dorëzoi Atit të Shenjtë një ftesë zyrtare për të vizituar Shtetet e Bashkuara. Papa Leoni XIV është udhëheqësi i parë i Kishës Katolike Botërore nga Shtetet e Bashkuara.
Zëdhënësja e Shtëpisë së Bardhë, Karoline Leavitt, tha se Papa priti në audiencë Vance-in në mëngjes dhe se“ishte një takim i mirë dhe produktiv.” Ajo sqaroi gjithashtu se presidenti Trump “shpreson ta shohë Papën Leon në Uashington sapo ai të ketë mundësi të vijë”.
Vance, i cili ishte kritikuar ashpër në të kaluarën nga Papa i ndjerë Françesku për qasjen e ashpër të administratës Trump ndaj emigracionit, i dorëzoi Papës një letër personale duke deklaruar se ishte nga Presidenti Donald Trump dhe Zonja e Parë Melania Trump. Papa, i ulur përballë Vance-it në zyrën zyrtare të tij në Pallatin Apostolik, mori letrën dhe, sipas një videoje të publikuar nga Vatikani dhe u dëgjua të thoshte: “njëherë e një kohë” (në kuptimin: ndoshta në të ardhmen).
