Një valë sulmesh ajrore izraelite goditi Qytetin e Gazës, disa orë pas urdhrit të kryeministrit izraelit, Benjamin Netanyahu, për nisjen e menjëhershme të sulmeve të rënda. Ky vendim erdhi pas akuzave ndaj Hamasit për shkelje të kushteve të armëpushimit, e cila kishte hyrë në fuqi më 10 tetor vetëm tri javë më parë.
Sipas Mbrojtjes Civile të Gazës, Izraeli realizoi të paktën tre sulme ajrore, duke goditur një zonë pranë spitalit më të madh që vepron në Gazën veriore. Incidenti në fjalë pasoi një sulm të Hamasit ndaj forcave izraelite në Gazën jugore, që shkaktoi zemërim në Izrael. Të dyja palët, si Hamasi ashtu edhe Izraeli, kanë akuzuar njëri-tjetrin për shkelje të armëpushimit që nga arritja e tij.
Ministri i Mbrojtjes Izraelite, Izrael Katz, e quajti sulmin ndaj ushtarëve të IDF-së nga Hamasin një kalim të “vijës së kuqe”, duke paralajmëruar se IDF do të përgjigjet me forcë të madhe. Ai theksoi se Hamasi do të paguajë një “çmim të lartë” për veprimet e tij, përfshi shkeljen e marrëveshjes për kthimin e trupave të pengjeve.
Ky përshkallëzim i tensioneve mes dy palëve vjen në një kohë delikate, ndërsa situata në Rripin e Gazës vazhdon të mbetet e trazuar dhe e pasigurt.
