Hamasi reagoi ndaj miratimit të ligjit të ri nga parlamenti izraelit, i cili vendos dënimin me vdekje për ata që dënohen për terrorizëm. Ky ligj, i miratuar në leximin e dytë dhe të tretë, thekson politikën “e përgjakshme” të Izraelit, sipas organizatës.
Ligji parashikon që kushdo që shkakton vdekjen e një qytetari izraelit për arsye racizmi ose armiqësie, me qëllim dëmtimin e Izraelit, do të përballet me dënimin me vdekje. Dispozita synon kryesisht palestinezët e dënuar për sulme ndaj shtetit izraelit.
Projektligji u miratua me 62 vota pro dhe 48 kundër, ku kryeministri Benjamin Netanyahu dhe ministri Itamar Ben-Gvir votuan për të. I gjithë kësaj i është shtuar një moment festimi nga Ben-Gvir, i cili u pa duke festuar me shampanjë pas miratimit të ligjit.
