IZRAELI- Izraeli do të fillojë në qershor ndërtimin e një gardh të ri përgjatë kufirit të tij me Jordaninë. Muri mësohet se do të shkojë me një kosto deri në 1.3 miliardë euro. Puna pritet të zgjasë tre vjet.
Gardhi do të shtrihet nga skaji jugor i Lartësisë Golan deri në Aeroportin Ndërkombëtar Ramon në veri të Eilat, në Detin e Kuq. Një seksion 30 kilometra i kufirit me Jordaninë, nga Eilat në aeroportin Ramon, është përmirësuar në mënyrë të ngjashme në dekadën e kaluar.
Izraeli do të kërkojë të ndërtojë gardhin sa më afër kufirit me Jordaninë duke marrë parasysh arsyet e sigurisë dhe topografinë e secilës pikë. Gardhi aktual lë një zonë deri në 170 kilometra katrorë përgjatë kufirit. Ka gjithashtu plane për të zhvilluar qytete të reja përgjatë kufirit.
