MILANO- Kryeministri Edi Rama do të shkojë sot në Itali, ku do të zhvillojë një takim me shqiptarët në Milano. Përmes një postimi në rrjetet sociale, Rama ka ndarë edhe detajet e takimit.
Bëhet me dije se takimi do të nisë në orën 15:00 dhe do të mbahet në Centro Congressi, MalpensaFiere via XI settembre 16, Busto Arsizio (VA).
Një ditë më parë, Partia Socialiste ka hapur zyrtarisht fushatën elektorale për zgjedhjet e 11 majit. Mes këngëve, valleve dhe parashikimeve të drejtuesve politikë socialistë për rezultatin e zgjedhjeve, fushata e PS-së zgjati rreth 3 orë. Kryeministri Edi Rama fjalën e tij e mbajti i fundit duke premtuar anëtarësimin e vendit në Bashkimin Evropian.
