Kryetari i Partisë së Lirisë, Ilir Meta, ka uruar kryeministren e re të Italisë, Giorgia Meloni.
Përmes një postimi në “Facebook”, Meta i ka përcjellë urime qeverisjes së re të Italisë, teksa ka theksuar vendosmërinë e tij për forcimin e mëtejshëm dhe të gjithanshëm të marrëdhënieve mes dy vende dhe popujve tanë.
“Italia foli qartë!
Urimet më të mira Georgia Melonit për fitoren bindëse së bashku në koalicionin e qendrës së djathtës me Matteo Salvini dhe Silvio Berlusconi.
Duke i uruar shumë suksese qeverisjes së re të Italisë mike dhe partnere të rëndësishme strategjike, jemi të vendosur për forcimin e mëtejshëm dhe të gjithanshëm të marrëdhënieve mes dy vende dhe popujve tanë”, ka shkruar Meta.
Udhëheqësja e ekstremit të djathtë Giorgia Meloni shpalli fitoren në zgjedhjet e Italisë dhe është në rrugën e duhur për t’u bërë kryeministrja e parë femër në vend.
Ajo pritet gjerësisht të formojë qeverinë më të djathtë të Italisë që nga Lufta e Dytë Botërore.
