Në Itali një 34-vjeçar shqiptar, i cili ishte arrestuar në muajin qershor për drogë, është rikthyer në qeli pas kryerjes së dy krimeve të tjera.
Pas arrestimit të tij për drogë, Gjykata e Riminit i kishte lehtësuar masën e paraburgimit, duke i dhënë detyrimin për të raportuar. Megjithatë, ai e shkel këtë detyrim dhe është akuzuar për kërcënim dhe dëmtime me dashje gjatë muajit Korrik dhe Gusht.
Karabinierët e Fidenza-s në Parma e lokalizuan dhe arrestuan përsëri të kërkuarin në Fontanellato, ku ai tani do të përballet me akuzat e reja dhe është rikthyer në burg.
