Ish-zëvendëskryeministri Arben Ahmetaj ka fituar të drejtën për të votuar përmes postës për zgjedhjet parlamentare të 11 majit. Mësohet se mëngjesin e sotëm, Ahmetaj i ka mbërritur sot në mëngjes e-mail nga KQZ se u regjistrua me sukses si votues nga Zvicra, ndërsa ishte refuzuar dy herë.
Burime të Repor Tv konfirmuan se Ahmetaj ishte refuzuar nga KQZ deri dje në mbrëmje, sepse nuk kishte vërtetuar saktë adresën e banimit, dhe kishte përdorur një dokument në emër të bashkëjetueses së tij.
Nga ana tjetër, KQZ nuk ka dhënë detaje për rastin, duke thënë se këto detaje ndahen vetëm me zgjedhësin. Kujtojmë se më herët, kryekomisioneri Ilirjan Celibashi kishte deklaruar se Ahmetaj mund të votojë për sa kohë nuk ka ndalim. Cilbashi konfirmoi se nëse nuk ka një vendim gjykate, ai mund të regjistrohet kërkon një fletë votimi.
Arbër Ahmetaj akuzohet për kryerjen e tre veprave penale për “Pastrim parash”, “fshehje të pasurisë” dhe “korrupsion pasiv”. Në muajin korrik të vitit të kaluar, organi i akuzës lëshoi urdhër arresti për Arben Ahmetaj dhe e shpalli atë në kërkim ndërkombëtar, ndërsa në mars të 2024 i komunikoi akuzat përmes avokatit të tij ligjor.
