SHBA- Presidenti Donald Trump është shprehur ditën e sotme se samiti dy ditor i NATO-s i zhvilluar në Hagë ishte i shkëlqyer dhe më produktivi në histori. Në postimin e tij në Truth Social, Trump shkruan se udhëheqësit e vende te NATO-s ishin të jashtëzakonshëm dhe të kujdësshëm.
Ai nuk ka lënë pa komentuar edhe marrëveshjen për objektiv prej 5% të shpenzimeve të mbrojtjes, ku tha se i jep NATO-s një fuqi të vërtetë.
POSTIMI I TRUMP:
Samiti i NATO-s dje ishte i shkëlqyeshëm, më i unifikuari dhe produktivi në histori. Një ditë e mrekullueshme me udhëheqës të jashtëzakonshëm dhe të kujdesshëm. Marrëveshja për 5% i jep NATO-s fuqi të vërtetë!
Liderët e NATO-s ranë dakord për një rritje të ndjeshme të shpenzimeve për mbrojtjen në samitin e 25 qershorit në Hagë, ndërsa njëkohësisht ripohuan “angazhimin e hekurt” për t’iu dalë në ndihmë njëri-tjetrit në rast sulmi. Vendet anëtare të NATO-s pritet të shpenzojnë 3.5 për qind të prodhimit të brendshëm bruto në mbrojtje, përfshirë armët dhe trupat ushtarake. Pjesa tjetër prej 1.5 për qind fokusohet në investime të lidhura me sigurinë – sikurse adaptimi i rrugëve, urave dhe porteve për pajisje ushtarake, në siguri kibernetike dhe mbrojtje të gazsjellësve të energjisë.
