Ish-sulmuesi i njohur italian Graziano Pellè ka folur për herë të parë pas divorcit nga modelja hungareze Viktoria Varga, e njohur si “gruaja më e bukur në botë”. Çifti, i cili ishte së bashku që prej vitit 2012, u nda vitin e kaluar pas dy vitesh martese. Varga konfirmoi ndarjen përmes një postimi në rrjetet sociale, duke theksuar se ishte një ndarje miqësore dhe se do të ruanin respektin për kujtimet e tyre të përbashkëta.
Në moshën 40 vjeçare, Pellè e mbylli karrierën e tij futbollistike në vitin 2021 me klubin e Parmës, por ka mbetur aktiv në botën e futbollit duke punuar për Lecce-n në Serie A. Gjatë një interviste për mediat holandeze, ai tregoi se aktualisht jeton në Dubai, duke u përshtatur me një mënyrë të re jetese. Ai theksoi lidhjet e tij me Holandën, ku ndjenjat janë të ndërsjella.
Graziano Pellè ka pasur një karrierë të suksesshme në klube si Feyenoord dhe Southampton, ku shënoi përkatësisht 50 gola në 59 ndeshje dhe 30 gola në 80 paraqitje. Më pas, ai kaloi disa vite në Kinë me Shandong Luneng, para se të kthehej në Itali për të përfunduar karrierën.
Sot, Pellè duket se po gjen ekuilibrin e ri në jetën e tij personale dhe profesionale, duke kaluar kohën mes angazhimeve në futboll dhe një jete të qetë në Dubai.
