Karriera e futbollistit britanik Thierry Nevers, 23 vjeç, ka marrë një kthesë dramatike pas dënimit të tij me tre vjet burg për përfshirje në trafikun e drogës. Ish-lojtari i akademisë së West Ham, i cili ka pasur eksperienca te Reading, Newport County dhe Bradford City, u shpall fajtor për konspiracion në furnizimin me drogë të klasit A.
Nevers, i njohur për kalimin e tij te skuadra moldave Sheriff Tiraspol dhe më pas te NK Varaždin në Kroaci, u zbulua se udhëtonte shpesh nga Dorrington në Reading për të kryer aktivitetin e tij ilegal. Detaje të tjera shqetësuese përfshijnë faktin se ai e ndau aktivitetin e tij të paligjshëm përmes postimeve në Instagram, ku publikonte video muzikore duke u mburrur me krimet e tij.
Bashkëpunëtori i tij, Allan Barrass, 50 vjeç, u dënua me dhjetë vjet burg për të njëjtin krim dhe për posedim të një arme të shkurtuar. Gjatë një kontrolli në banesën e Barrass, policia gjeti një shotgun të mbushur, 40 gram kokainë, rreth 5,860 paund cash, si dhe disa armë të tjera. Në garazhin e tij u zbuluan gjithashtu bimë kanabisi të kultivuara.
Arrestimi i Barrass, i regjistruar nga bodycam-et e policisë më 6 gusht, u bë pas një hetimi të thelluar që vërtetoi komunikimet e vazhdueshme mes tij dhe Nevers. Provat e siguruara nga celularët e sekuestruar konfirmuan bashkëpunimin e tyre në aktivitetet ilegale.
Detektiv i hetimit, Adam Petty, theksoi se “droga ka një ndikim shkatërrues në komunitetet tona dhe nuk do të tolerohet”. Sipas tij, aktiviteti i tillë shoqërohet me dhunë dhe rritje të krimeve, duke përfshirë përdorimin e armëve të rrezikshme. Rastet si ky shërbejnë si një paralajmërim për pasojat e rrezikshme që ndihmojnë në zhvillimin e tregut të drogës në shoqëri.
