Ish-ambasadori amerikan në Shqipëri, Christopher Hill, ka folur për periudhën pas-komuniste dhe rolin e SHBA-ve në këtë proces gjatë një interviste për Top Channel me gazetaren Kristi Gongo. Hill ka theksuar mbështetjen e Ambasadës Amerikane për Partinë Demokratike gjatë zgjedhjeve të marsit 1992, duke e cilësuar të rëndësishme angazhimin e shqiptarëve në procesin e ndryshimit.
Ai përmendi se kishte njohur personalisht liderët e rinj të politikës shqiptare, përfshirë Ramiz Alinë, Sali Berishën dhe Fatos Nanon. Sipas Hill, Berisha ishte pozitiv ndaj amerikanëve dhe pritej të kishte një rol të madh, ndërsa Nano përpiqej të manovronte mes dy sistemeve.
Përsa i përket rolit të Amerikës në rrëzimin e regjimit komunist, Hill ka theksuar se populli shqiptar ishte ai që luajti rolin kryesor. Sipas tij, prania e një ambasade amerikane dhe aktivizmi i diplomatëve ndihmuan shqiptarët të kuptonin drejtimin e ri që po merrte vendi. Hill vlerësoi se procesi i kalimit ishte më i lehtë falë këtij mbështetje.
Në lidhje me lëvizjen studentore të Dhjetorit ’90, ai e përkufizoi atë si autentike, duke theksuar se ishte një nismë që erdhi nga vetë shqiptarët dhe jo një nxitje e jashtme. Hill shprehu se revolucione të tilla nuk funksionojnë nëse mundohet të bëhen nga jashtë, dhe theksoi rëndësinë e vetë-organizimit të popullit shqiptar.
Përsa i përket ndikimit të amerikanëve në fitoren e Partisë Demokratike, Hill e pranoi se ndihma amerikane ishte e limituar. Ai theksoi se disa organizata joqeveritare amerikane ofruan ndihmë dhe materiale, por se në fund ishte populli shqiptar ai që merrte vendimet. Hill vazhdoi të përshkruajë angazhimin e SHBA-ve për të garantuar stabilitetin dhe ndihmën për ata që kishin vuajtur nga regjimi i mëparshëm.
Në mbyllje, ai theksoi rëndësinë e dorëzimit të këshillave për politikanët shqiptarë dhe krijimin e një komunikimi të fortë mes qytetarëve shqiptarë dhe Uashingtonit.
