Re të mëdha tymi janë ngritur në aeroportin e Kuvajtit pas një sulmi me dron iranian. Sipas zyrtarëve, disa dronë janë rrëzuar nga mbrojtja ajrore, por një prej tyre ka goditur një rezervuar karburanti, duke shkaktuar zjarr.
Ekipet zjarrfikëse po punojnë për të shuar flakët, ndërsa në terren janë angazhuar edhe forcat e ushtrisë dhe të Gardës Kombëtare, si dhe sektori i naftës. Gjenerali i brigadës Mohammed Al-Ghareeb, zëdhënës i Forcës së Përgjithshme të Zjarrfikësve, konfirmoi se për të neutralizuar zjarri, po punohet intensivisht. Ai theksoi se zjarri është shkaktuar nga dronë “armiqësorë”, që kanë goditur objektivin në aeroport.
Gjatë një konference për shtyp, Al-Ghareeb njoftoi se janë trajtuar gjithsej katër vatra zjarri në zona të ndryshme, për shkak të rënies së shrapnelave. Ai gjithashtu përmendi se që nga fillimi i agresionit iranian, janë regjistruar 82 incidente të ngjashme në vend.
Operacionet për shuarjen e zjarrit vazhdojnë, duke pasur parasysh monitorimin e situatës për të parandaluar përhapjen e flakëve. Autoritetet e Kuvajtit po punojnë me intensitet për të menaxhuar këtë situatë të vështirë dhe për të garantuar sigurinë në aeroportin e vendit.
