Pasi Rusia pushtoi Ukrainën në shkurt të vitit 2022, Komiteti Olimpik Ndërkombëtar vendosi që të ndalojë atletët rusë që të marrin pjesë në ‘Lojërat Olimpike’.
Por presidentja e ardhshme e IOC, Kristy Coventry, ka deklaruar së fundmi se ajo është kundër kësaj gjëje.
Ajo theksoi se do të fillojë një diskutim për të lejuar Rusinë që të rikthehet në Lojërat Olimpike të vitit 2026.
Por ky qëndrim ka shkaktuar një reagim të fortë nga Kievi, i cili është kundër kësaj pritshmërie.
“Ne do t’i bëjmë thirrje komunitetit ndërkombëtar të refuzojë çdo përpjekje për të normalizuar praninë e qytetarëve rusë dhe bjellorusë në sport, ndërkohë që lufta kundër Ukrainës vazhdon,” tha Yuriy Muzyka, zëvendësministri i sportit i Ukrainës.
Muzyka shton se Rusia përdor dhe sportin për interesa politike, ku sipas saj, atletët rus janë pjesë e propagandës së Kremlinit.
“Në Federatën Ruse, sportet janë pjesë e politikës shtetërore, ata nuk kanë autonomi, dhe atletët dhe zyrtarët janë pjesë e makinës së propagandës shtetërore” shtoi ai.
