Pas presionit të opozitës, mazhoranca ka ngritur kartonët jeshil për zhvilliminim e mocionit me debat për skandalin “McGonigal” më 2 mars, ku koha do të jetë pa limit. Deputeti socialist Erion Braçe ka votuar kundër.
Por, sërish deputetët e opozitës e kanë kundërshtuar duke u shprehur se ky skandal nuk mund të diskutohet pas një muaji.
Pas këtij vendimi, ka folur në protestë dhe lideri demokrat Sali Berisha, i cili paralajmëroi se në ky mocion nuk do të zhvillohet në Kuvend, atëhere do ta zhvillojnë paqësisht në Surrel, tek vila e kryeministrit Edi Rama.
“Të betohemi këtu që ai mocion po nuk u bë në Parlament do bëhet në Surrel, paqësor, paqësor urtë e butë, por si simboli, kështjella e të keqes është Surreli. Atëherë ne do shkojmë atje ku struket ai, paqësisht do ia numërojmë të gjitha të mocionit. Po doli me dhënë përgjigjen mirë po nuk doli le të rrijë aty se nuk e prekim. Por Surreli do jetë objekt i revolucionit paqësor. T’i themi kemi 13 pyetje o sulltan.” u shpreh Berisha.
