Kristjan Asllani ka kuptuar se e ardhmja e tij është larg Interit, pasi klubi ka shprehur dëshirën për ta transferuar. Mesfushori shqiptar është i vendosur të largohet në një destinacion që i përmbush ambiciet, duke refuzuar ofertat fillestare të zikaltërve. Ai ka hequr dorë nga mundësia për t’u transferuar jashtë Italisë, përfshirë një ofertë nga Betisi në La Liga.
Së fundmi, Asllani ka refuzuar edhe një mundësi për t’u bashkuar me Sasuolon në Serinë A. Edhe pse klubi, nën drejtimin e trajnerit Fabio Groso, po kërkon të kthehet si një ekip i fortë në elitën e futbollit italian, mesfushori shqiptar nuk duket se është i tërhequr nga ky destinacion dhe nuk ka filluar asnjë bisedim konkret për një transferim. Mediat italiane raporton se Sasuolo ka kërkuar informacion për Asllanin, por ai duket se preferon të presë për mundësi më të përshtatshme që përputhen me qëllimet e tij në karrierë.
Kjo situatë tregon se Asllani është shumë i kujdesshëm në zgjedhjen e klubit të ri, duke preferuar të flasë vetëm për opsione që mund të ngjallin interesin e tij real. Në këtë mënyrë, ai shpreh dëshirën për të vazhduar një karrierë të suksesshme pas largimit nga Interi, dhe mbetet për t’u parë se çfarë vendimi do të marrë në të ardhmen.
