Vetëm disa orë para hapjes së merkatos së dimrit, Interi është angazhuar në kërkimin e një përforcimi për krahun e djathtë të mbrojtjes, duke i dhënë prioritet zëvendësimit të Denzel Dumfries. Një nga objektivat e njohur është Joao Cancelo, por drejtuesit zikaltër po shqyrtojnë gjithashtu një alternativë më ekonomike nga Brazili: Paulo Henrique del Vaco da Gama.
Paulo Henrique, mbrojtës i djathtë i lindur në 1996, aktualisht luan për Vasco da Gama dhe ka një kontratë të vlefshme deri në dhjetor të vitit 2027. Sidoqoftë, ai mund të largohet për rreth 5 milionë euro, çmim që e bën një opsion tërheqës për Interin. Karrierën e tij e nisi te Londrina, përpara se të kalonte në disa klube më të vogla në Brazil. Vitin e kaluar, ai u transferua te Vasco da Gama, ku shpejt u bë titullar dhe një nga mbrojtësit më të mirë në kampionatin lokal.
Forma e tij e shkëlqyer i ka hapur dyert edhe për përfaqësuesen e Brazilit, ku ka regjistruar dy paraqitje dhe ka shënuar një gol. Sezoni i fundit i ka dhënë atij titullin si mbrojtësi i djathtë më i mirë në Kampionatin Brazilian; në 26 ndeshje, Paulo Henrique arriti të realizonte një gol dhe të jepte gjashtë asistime.
Drejtuesit e Interit po e shqyrtojnë profilin e tij si një zgjidhje me kosto të ulët, por me eksperiencë, dhe në ditët në vijim pritet të kuptohet nëse ky interes do të konkretizohet në një ofertë zyrtare për lojtarin. Interi ka nevojë për një përforcim, dhe Paulo Henrique paraqitet si një mundësi e favorshme për klubin.
