Interi ka siguruar një fitore të rëndësishme në Serie A, duke mposhtur Lazion me rezultatin 2-0. Ndeshja filloi në mënyrë të shkëlqyer për ekipin e drejtuar nga Chivu, që kaloi në avantazh që në minutën e tretë falë një goli fantastik nga kapiteni Lautaro Martinez. Pas këtij goli, ekipi vazhdoi të kontrollojë lojën, për të arritur në minutën e 62’ goli i dytë, i shënuar nga talenti Bony, i cili vulosi fatin e ndeshjes dhe siguroi tre pikët për zikaltërit.
Kjo fitore ishte një hakmarrje për Interin, pas barazimit të tij me Lazion që i kushtoi titullin kampion gjashtë muaj më parë. Me këtë rezultat, Interi ngjitet në krye të tabelës me 24 pikë, duke u barazuar kështu me Romën. Milan dhe Napoli e ndjekin nga prapa me nga 22 pikë, ndërsa Bologna mban vendin e katërt me 21 pikë.
Fitore e sigurt, por që tregon qartë ambiciet e Interit për këtë sezon, ku emra si Lautaro dhe Bony po bëjnë diferencën në fushë. Ky rezultat vjen në një moment të rëndësishëm, duke e forcuar pozitat e Interit si një nga pretendentët kryesorë për titull këtë vit.
REZULTATI:
INTER 2-0 LAZIO
Golat: Lautaro 3’, Bony 62’
Goli i Lautaros dhe i Bonyt janë të disponueshëm për t’u parë në video-linket përkatëse.
Me këtë ndeshje, Interi ka theksuar forcën e tij si ekip dhe ambiciet për të rikthyer titullin kampion në shtëpi.
