Interi ka arritur një fitore të thellë në Kupën e Italisë, duke mposhtur Venezian me rezultatin 5-1 në San Siro, dhe kështu ka siguruar kalimin në cerekfinale të kompeticionit. Ndeshja nisi me dominimin e plotë të zikaltrve, ku Diouf hapi rezultatin në minutën e 18. Euforinë e golit të parë e pasoi shpejt Pio Esposito me një gol fantastik dy minuta më vonë, që gjithashtu ishte goli i tij i parë në këtë stadium.
Interi vazhdoi me ritëm të lartë dhe në minutën e 34, Marcus Thuram shënoi golin e tretë, mbyllur kështu pjesën e parë me një rezultat bindës 3-0. Pjesa e dytë nisi me Thuram që shënoi përsëri, duke e çuar rezultatin në 4-0.
Venezia u përgjigj më në fund në minutën e 66 me Sagrado, i cili shënoi golin e nderit. Megjithatë, Interi e mbylli sfidën me Bonny, i cili vendosi rezultatin përfundimtar në 5-1. Kjo fitore e jep Interit një vend në cerekfinalet e Kupës së Italisë, duke treguar forcën e skuadrës.
