Inteligjenca Artificiale ka realizuar një simulim për fazën “play-off” me eliminim direkt të Ligës së Kampionëve, para shortit zyrtar që do të hidhet të premten në Zvicër. Pas përfundimit të fazës së ligës, tetë skuadra janë kualifikuar drejtpërdrejt në 1/8-at e finales. Arsenal e kryesoi renditjen pasi fitoi të tetë ndeshjet, duke lënë prapa Bayern Munich, Liverpool dhe Tottenham. Po ashtu, Barcelona, Chelsea, Sporting Lisbona dhe Manchester City kanë siguruar kalimin në fazën tjetër.
Një grup prej 16 skuatrash, të renditura nga vendi i 9-të deri në të 24-in, do të përballen në fazën “play-off”, për të cilin shorti akoma nuk është shpallur. Këto skuadra ishin subjekt i simulimit të Inteligjencës Artificiale për të parashikuar përballjet e mundshme.
Sipas simulimit, Real Madrid do të përballet përsëri me Benficën, një sfidë që konsiderohet e vështirë për “Los Blancos” pas një humbjeje të mëparshme nga ekipi portugez. Nga ana tjetër, PSG ka qenë shortuar në një derbi kundër Monacos, duke krijuar pritshmëri për një përballje emocionuese dhe rivalitet të fortë.
Përballjet e parashikuara nga Inteligjenca Artificiale janë si më poshtë:
– Inter-Bodo/Glimt
– Paris Saint Germain-Monaco
– Atletico Madrid-Club Brugge
– Juventus-Galatasaray
– Bayer Leverkusen-Olympiakos
– Atalanta-Borussia Dortmund
– Newcastle United-Qarabag
– Real Madrid-Benfica
Edhe pse shorti i UEFA-s do të vendosë përfundimisht përballjet, simulimi i AI ka rritur emocionin dhe pritshmëritë për fazën me eliminim direkt të Ligës së Kampionëve.
