Kryeministri Edi Rama, gjatë takimit në asambletë socialiste të njësive 5, 6, 13 dhe 14, ka folur për integrimin në Bashkimin Europian, duke thënë se e trajton “si hakmarrje të të gjitha poshtërimeve që na janë bërë këto 100 vjet”.
“Kemi bërë hapjen më të shpejt të kapitujve me vendet e tjera. Na është hapur një derë, le të hyjmë brenda. Kjo është diçka që unë personalisht e përjetoj si hakmarrje, e trajtoj si hakmarrje të të gjitha poshtrimeve që na janë bërë këto 100 vjet. Hakmarrje për fëmijët tanë, duhet ta fusim Shqipërinë në BE. Nga ai moment është si ajo, që u bë martesa, hyre në shtëpi dhe je pjesë e shtëpisë. Sic të bllokojnë sot fqinjët, se del njëri dhe bën hero, dhe pastaj të lë një vit, sta bëjnë më. Je komplet i barabartë”, tha Rama.
Rama foli edhe për korrupsionin, duke thënë se flitet më shumë për këtë fenomen sepse “kur një vend angazhohet fort në luftën kundër korrupsionit, e para rritet perceptimi i korrupsionit, flitet më shumë dhe e dyta rezultatet objektive që arrihen mbulohen nga një zhurmë dhe thashethemnajë shumë e madhe”.
