Gazetarja e Euronews Albania, Sara Demushi shkruan në Facebook se lidhur me denoncimin ndaj dy deputetëve të opozitës që patën një përplasje më të.
Gazetarja shkruan se nuk donte të nxiste asnjë hetim teksa shprehet se gabimet ndodhin, por Rëndësi ka t’i pranojmë dhe t’i korrigjojmë me dinjitet.
Sara Demushi
Gjatë një momenti tensioni në protestën e fundit, reagova publikisht dhe denoncova dy deputetë në një gjendje të tensionuar dhe emocionalisht të fortë, jo vetëm për mua, por besoj për çdo gazetar që ndodhej aty. Si gazetare, e vetëdijshme për peshën e fjalës publike, ndjej detyrimin të sqaroj se nuk kisha për qëllim të nxisja ndonjë hetim.
Kjo nuk është një tërheqje, por një reflektim i ndershëm për të mbrojtur vlerat që përfaqësoj: profesionalizëm, objektivitet dhe përgjegjësi. Gabimet ndodhin. Rëndësi ka t’i pranojmë dhe t’i korrigjojmë me dinjitet. Gjithashtu, dua të sqaroj se nuk kam asnjë pretendim ndaj Klevis Balliut, i cili erdhi në atë moment për të qetësuar situatën.
Ndaj deputetit të PD-së Edi Paloka dhe kandidatit Klevis Balliu, për veprën penale të kanosjes për shkak të detyrës, Policia e Tiranës i ka referuar Prokurorisë së Posaçme materialet mbi kallëzimin.
Sipas policisë ata penguan mediat që të intervistonin dhe veçanërisht gazetaren në fjalë, e cila më pas i është drejtuar Policisë së Tiranës me një denoncim.
Për shkak të kompetencës, dosja i është përcjellë SPAK-ut për veprime të mëtejshme. Veprimet paraprake janë kryer nga Komisariati nr. 3, që ka nën administrim zonal edhe sheshin ku u zhvillua protesta e PD-së, që pretendon vjedhjen e votave nga mazhoranca më 11 maj.
Ky procedim penal vjen menjëherë pas incidentit të ndodhur gjatë protestës të ditës së premte (16 maj), ku Paloka dhe Balliu sulmuan gazetarët.
