Një incident me armë zjarri ka ndodhur në Tiranë gjatë natës, duke çuar në plagosjen e tre persona gjatë një festimi në një lokal në Rrugën e Kavajës. Sipas njoftimit të policisë, në orën 01:35 të mëngjesit të datës 23.07.2024, E.P., 36 vjeçe, A.P., 36 vjeç, dhe D.P., 34 vjeç, janë dërguar për trajtim mjekësor në një spital privat për dëmtime të dyshuara nga armë zjarri.
Grupi ishte duke festuar së bashku me persona të tjerë nga rrethi shoqëror dhe familjar kur ndodhi incidenti. Autori i dyshuar, E.E., 32 vjeç, banues në Tiranë, dyshohet se ka shkaktuar shkrepjen e armës aksidentalisht, duke përdorur një armë të cilën e mbante pa leje. Pas incidentit, shtetasit D.P. dhe A.P. janë larguar për në banesë pas trajtimit mjekësor, ndërsa E.P. ndodhet në spital, nën kujdesin e mjekëve, dhe është jashtë rrezikut për jetën.
Grupi hetimor nën drejtimin e Prokurorisë po vijon punën për dokumentimin ligjor të rastit dhe për kapjen e personit të dyshuar, E.E.
